ARI ARI PAKPAK

ARI ARI PAKPAK

Penanggalen (kalender) ni kalak pakpak arnia, merhenjellen ngo mi perdaleanen bulan. Sada bulan imo 30 ari bulan. Sada ari bulan imo ibagi menjadi sipuluh katika (24 Jam). Mahar lima katika janah berngin lima katika.
Menurut kepercayaan kalak pakpak arnia, karina sienggo masa (hana). Simasa dekket sinaing masa oda pilit ibas katika sienggo ibuhul kin. Ise sikibuhul imo situmempa simenghanaken karina nasa silot dekket sinaing lot.
Selain i, setiap tahun ibagi menjadi 12 bulan (Paka). Umpamana pekke sada, pekke dua dekket seterusna. Janah setiap bulan lot ngo tanda-tanda siterjadi sienggo inteken jelma, tah pe berupa manuk-manuk mosimen, tanda-tanda alam (perdalanen mataniari) dekket sidebankenna i. Umpamana kekka 9 (september-oktober) roh mo manuk-manuk tampar ardang. Memagahken oda merandal mardang bulan kenna i.
Kalak pakpak arnia, tok ngo mi ari-ari en, janah enggo igunaken lako pedoman mula lako maing sada kerejo, dekket kerja-kerja. Iterruh en ibaing kami ngo ari-ari pakpak siniulaken jelma siarnia dekket binatang kade simempengaruhi (lambangna).

Adintia (Lengkupa) : ari en imo ari mengrimang-rimangi, kade mahan siulaenken ibas sada bulan i ari pentadin. Merandal mula ibaing ari merpangir, menguras, mengaku salah.
Suma (Manuk) : ari sidua nehe, ari burun, oda merandal mengkail, mertogong-togong. Odokken ari kinimabuk.
Anggara (Matawari) : ari merampek, ipedaoh laga, rubat, ulang petongkah sora. Ijaga pinakan ulang mate merjelit.
Budhaha (Kerbo) : ari siempat nehe, merandal mahan kerja-kerja baik, maing page mi keben, memajek bages, membengket bages, ari mereah-eah.
Beraspati (Cakcaken) : ari penjaga kuta (beraspati nitanoh), merandal muat ari perkayu, majek kuta, memestaken mejan, membengket bages, merandal mertiga-tiga.
Cukerra’ (Babi) : merandal mekerja-kerja, menepuh babah, merkottas, mengkata utang, mengririt.
Bellah Naik (Inggal-inggal) : ari mangan medem, ari pengguntur (ari raja), ari merejekki. Merandal mertasak tabar mbellen, mahan tambar sihir.
Adintia Naik (Ikan) : merandal mahan kerja-kerja baik, merbayo, menerbeb, ari simalum-malum. Mere pangan merasa (nakan raja).
Suma Sibah (Mborcit) : biasa ari en kurang selloh merpersta-persa, mahan pengkiapi juma pe tong ipangan sijaluk.
Anggara Sipuluh (Sijaluk) : ari merampek, ulang petongkah sora, pinakan ijaga ulang arin, mula lot mbalang kade sulit dapet. Ari terguru, oda merandal mengririt.
Budaha Mengadep (Imbo) : merandal maing kerja-kerja, melamar karejo, selloh mengririt, menerbeb, pengotingken dukak taba puhunna.
Beraspati Tangkep (Robar) : merandal maing kerja-kerja, ijaga api ulang rarat, merandal mendegger uruk, persta mersodip, menanda tahun.
Cukkera Purnama (Bulan) : merandal maing kerja-kerja, muat perkayu, mengket bages.
Bellah Purnama (Bintang) : merandal mahan kerja, ulang petongkah sora, ari raja, merkottas, menerbeb.
Tula (Lipan) : ari kurang merandal mahan kerja-kerja, merandal menggellang-gellang kayu.
Suma Tepik (Menci) : kurang merandal mahan kerja-kerja. Ulang lenek medem berngin, boni-boni merandal isimpan.
Anggara Kolom (Kambing) : ari buang sial, merpangir, mahan tabar, ipedaoh rubat laga. Ari terguru.
Budaha Kolom (Bedu) : ari peruma-uma, merandal mardang, merani, anak tubuh biasa merandal rejekina.
Beraspati Kolom (Kelang) : merandal majek sapo, mahan pesta jabu-jabu, mardang, membengket bages.
Cukerra Genep 20 (Wiskir) : merandal mahan kerja-kerja, melamar karejo, mengririt, mengkata utang, merkottas.
Bellah Turun (Silo-silo) : ari merpangir. Buang sial, mahan geddung, mengkail.
Adintia Nangga (Biahat) : ari simalang ate, merandal mahan tabar mbellen, merpangir, mengkata utang, menjumpai kalak merpangkat, menunggu ido.
Sumani Mate (tenggeling) : kurang merandal mahan ranaen, ari kabar-kabar, oda merandal mahan pengkiapi. Merandal menggelang-menggelang.
Anggara Bnunuh Bana (Citcit) : merandal mahan tambar, merpangir, ari persodipen, ulang petongkah sora, menggetap peddah, ipedaoh rubat, mahan perdameen, ulang memunuh nggeut terguru, ijaga api.
Budaha Selpu (Bahun) : ari menuan-nuan, muat page, menigih kemenjen, muat kopi, menembuk pola, merteddung.
Beraspati Gok (Baning) : merandal menerbeb, mahan kerja-kerja, membengket bages, menanda tahun, mendeger uruk, mengrumbang, mestaken mejan.
Cukerra Duduk (Kocing) : ari buang sial, mahan tabar mbellen, merukat tabar, merpangir, ari pengguntur.
Samisara Mate Bulan (Guraba) : merandal muat suan (tampang) galuh, kopi, kemenjen, nilam oda nggeut ipangan otok (olong).
Dalan Mbulan (Naga) : Ari kurang mende maning kerja-kerja, merandal muat tampang kopi, pote, terutung, bulih, kemenjen, galuh. Ijaga anak-anak ulang laus mi lae mbelen.
Kurung (peddi) : ari pentadiin, mendungi ulaen, mahan padan, menggetap peddah, merbulaban.


Sumber:
http://enmobancin.blogspot.com/2009/05/ari-ari-pakpak.html